Қучкорова Наргиза Мамажоновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Комплекс ёндашув асосида бўлажак бошланғич синф ўқитувчиларининг иқтисодий маданиятини  ривожлантириш», 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: В.2019.2.PhD/Ped.906. 
Диссертация бажарилган муассаса номи: Урганч давлат университети.
Илмий раҳбар: Эгамбердиева Нодира Мелибаевна, педагогика фанлари доктори, профессор.
ИК фаолият кўрсатаётган муассаса номи, ИК рақами: Нукус давлат педагогика институти, DSc.03/30.12.2019.Ped.34.01.
Расмий оппонентлар: Юзликаев Фарид Рафаилович, педагогика фанлари доктори, профессор;  Азимова Зиёда Эргашевна педагогика фанлари доктори, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади комплекс ёндашув асосида бўлажак  бошланғич синф ўқитувчиларининг иқтисодий маданиятини ривожлантиришнинг педагогик шарт-шароитларини такомиллаш¬тиришдан иборат . 
III. Тадқиқотнинг илмий янгилиги:
бўлaжaк бoшлaнғич cинф ўқитувчиларида иқтисодий маданиятни ривожлантиришнинг халқаро баҳолаш дастурлари билан алоқадорлиги мактаб ёшидаги ўқувчиларнинг молиявий саводхонлигини шакллантириш кўникмаларини (математик ва табиий-илмий ҳодисаларни реал ҳаётий муаммоларга нисбатан талқин қилиш) витаген таълим билан мақбул интеграциясини таъминлаш асосида аниқлаштирилган;
комплекс ёндашув асосида бўлaжaк бoшлaнғич cинф ўқитувчиларининг иқтисодий маданиятини ривожлантиришнинг педагогик-психологик хусусиятлари касбий фаолиятга тайёрлашнинг мажмуавий омиллари (ижтимоий-иқтисодий, ҳуқуқий, экологик, технологик) ва компонентларини (когнитив, операцион, аксиологик) ҳисобга олиш асосида педагогик рискларнинг ўқитиш сифатига салбий таъсирини бартараф этиш механизми барқарорлигига эришиш асосида аниқланган;
бўлaжaк бoшлaнғич cинф ўқитувчиларининг иқтисодий маданиятини ривожлантириш мажмуавий-технологик моделининг амалий компоненти (шартлари, фанлараро алоқадорлик, ўқув материаллари ва методик усулларга комплекс ёндашув) мантиқий ва креатив тафаккурни ривожлантиришга йўналтирилган таълим муҳитининг лойиҳавий фаолият билан қайта алоқаси идентивлигини таъминлаш асосида такомиллаштирилган;
бўлaжaк бoшлaнғич cинф ўқитувчиларининг иқтисодий маданиятини ривожлантиришнинг дидактик таъминоти (масофавий таълим контенти, когнитив топшириқлар, ўқув лойиҳалари, электив курслар) талабаларнинг индивидуал таълим траекториясини белгилашга хизмат қилувчи мустақил-ижодий фаолият жараёнларини тадқиқотчиликка доир компетенцияларга мувофиқ тизимлаштириш асосида такомиллаштирилган.
IV. Тадқиқот натижаларининг жорий қилиниши. 
Комплекс ёндашув асосида бўлажак бошланғич синф ўқитувчиларида иқтисодий маданиятни ривожлантиришга доир тадқиқот натижалари асосида:
бўлaжaк бoшлaнғич cинф ўқитувчиларида иқтисодий маданиятни ривожлантиришнинг халқаро баҳолаш дастурлари билан алоқадорлигини кичик мактаб ёшидаги ўқувчиларнинг молиявий саводхонлигини шакллантириш кўникмаларини витаген таълим билан мақбул интеграциясини таъминлаш, комплекс ёндашув асосида бўлaжaк бoшлaнғич cинф ўқитувчиларининг иқтисодий маданиятини ривожлантиришнинг педагогик-психологик хусусиятларини аниқлаштириш, касбий фаолиятга тайёрлашнинг мажмуавий омиллари ва компонентларини ҳисобга олиш асосида педагогик рискларнинг ўқитиш сифатига салбий таъсирини бартараф этиш механизми барқарорлигига эришишга доир таклиф ва тавсиялардан  5111700 – бошланғич таълим ва спорт-тарбиявий иш бакалавриат йўналишининг Давлат таълим стандартини ишлаб чиқишда фойдаланилган (Олий ва ўрта махсус таълим вазирлигининг 2019 йил 11 июндаги 89-03-2438-сон маълумотномаси). Натижада, мазкур таклифлар бўлажак бошланғич синф ўқитувчиларининг халқаро баҳолаш дастурларидан фойдаланиш малакасини ривожлантириш ва молиявий саводхонлигини оширишга хизмат қилган;
бўлaжaк бoшлaнғич cинф ўқитувчиларининг иқтисодий маданиятини ривожлантириш мажмуавий-технологик моделининг амалий компонентини такомиллаштириш, мантиқий ва креатив тафаккурни ривожлантиришга йўналтирилган таълим муҳитининг лойиҳавий фаолият билан қайта алоқаси идентивлигини таъминлашга доир амалий таклиф ва тавсиялардан ОТ-Ф1-36 рақамли “Талабалар маънавиятини диагностика қилиш механизмларини такомиллаштириш” (2017–2020 йй.) фундаментал лойиҳасини ишлаб чиқишда фойдаланилган (Олий ва ўрта махсус таълим вазирлигининг 2020 йил 1 февралдаги 89-03-398-сон маълумотномаси). Натижада, бошланғич синф ўқитувчиларининг иқтисодий маданиятини ривожланганлигини ташхис этишнинг диагностик воситаларидан самарали фойдаланишга эришилган;
бўлaжaк бoшлaнғич cинф ўқитувчиларининг иқтисодий маданиятини ривожлантиришнинг дидактик таъминотини (масофавий таълим контенти, когнитив топшириқлар, ўқув лойиҳалари, электив курслар) такомиллаштириш, талабаларнинг индивидуал таълим траекториясини белгилашга хизмат қилувчи мустақил-ижодий фаолият жараёнларини тадқиқотчиликка доир компетенцияларга мувофиқ тизимлаштиришга  оид таклиф ва тавсиялардан ИТД-4-122 рақамли “Юксак маънавиятли шахсни шакллантиришнинг тарбия технологияси” (2009-2011йй.) лойиҳаси натижаларини амалиётга татбиқ этишда фойдаланилган (Олий ва ўрта махсус таълим вазирлигининг 2020 йил 1 февралдаги 89-03-398-сон маълумотномаси). Натижада, бўлaжaк бoшлaнғич cинф ўқитувчиларининг иқтисодий маданиятини ривожлантиришнинг электрон-методик тизимини таълим амалиётига татбиқ этиш самарадорлигини оширишга эришилган.